ప్రపంచాన్ని ఆశ్చర్యపరుస్తున్న చైనా
మన సౌర ప్రపంచంలో మనకు అతి దగ్గరలో ఉన్న నక్షత్రమే సూర్యుడు, మన భూగ్రహంతో పాటుగా మిగిలిన ఎనిమిది గ్రహాలు ఆ సూర్యుడి చుట్టూనే తిరుగుతున్నాయనే సంగతి మనకు తెలిసిందే. అయితే చైనా ఇప్పుడు ఏకంగా ఆ సూర్యునికే ప్రత్యామ్నాయంగా కృత్రిమ సూర్యుడిని రంగంలోకి దించింది. వినటానికి ఆశ్చర్యంగా అనిపించినా కూడా ఇది నిజం. కొన్ని నెలల కిందట చైనా ఈ విషయాన్ని చెబితే.. కేవలం మాటలే అనుకున్నారు చాలామంది. కానీ, దాన్ని నిజం చేసి చూపించేందుకు.. కృత్రిమ సూర్యుడిని యాక్టీవ్ చేసి ఔరా అనిపించింది. ఈ నేపథ్యంలో ఇతర దేశాలు కూడా కృత్రిమ సూర్యుడిని రూపొందించే పనిలో పడ్డాయట.
సూర్యుడి పరమాణు కేంద్రంలో అత్యధిక శక్తి ఉంటుంది. అందులోని అణువులు విచ్చిన్నమైనప్పుడు.. భారీ శక్తి ఉత్పత్తి అవుతుంది. చైనా తయారు చేసిన ఈ రియాక్టర్ కూడా.. అదే విధంగా పనిచేస్తుంది. పైగా సూర్యుడు విడుదల చేసి శక్తి కంటే పది రెట్ల శక్తిని విడుదల చేస్తుంది. సిచువాన్లో ఈ రియాక్టర్ను ఏర్పాటు చేశారు. ఇందులో శక్తిమంతమైన అయస్కాంత క్షేత్రంలో మెటల్ ప్లాస్మాను విచ్ఛిన్నం చేస్తారు. ఈ సందర్భంగా 15 కోట్ల డిగ్రీల సెల్సియస్ శక్తి రిలీజ్ అవుతుంది. కృత్రిమ సూర్యుడు అంటే.. ఆకాశంలో ఉండి వెలుగునిస్తుందా అనే సందేహం చాలామందిలో కలుగుతుంది. కానీ, అది వాస్తవం కాదు. ఇది కేవలం విద్యుత్ తదితర అవసరాల కోసం ఏర్పాటు చేసుకున్న రియాక్టర్. దీని ద్వారా ఏర్పడే అణుశక్తిని చైనా విద్యుత్తు అవసరాల కోసం ఉపయోగిస్తుందని చెబుతున్నారు. కానీ, దీన్ని అణ్వాయుధాలకు కూడా సైతం వాడుకొనే ప్రమాదం ఉందని తెలుస్తోంది. అదే జరిగితే ఇండియా, అమెరికాలకు ముప్పు పొంచి ఉన్నట్లే. చైనా బాటలోనే ఫ్రాన్స్ కూడా నడుస్తోంది. అక్కడ కూడా న్యూక్లియర్ ఫ్యూజన్ రియాక్టర్ను తయారు చేస్తున్నారు.